कामका लागि अफगानस्तानमा पुगेका १४ जना नेपालीहरुको एक आत्मघाती बम विष्फोटमा परी मृत्यु भएको छ ।
अफगानिस्तानको राजधानी काबुलमा नेपालीहरु चढेको एक बसलाई नै लक्षित गरेर आत्मघाती वम विष्फोट गराइएको र सो क्रममा उनीहरुको मृत्यु भएको बताइएको छ । उनीहरु सबै सुरक्षा गार्डका रुपमा अफगानस्तानमा काम गर्दै आएका थिए ।
साथै सो विष्फोटमा परेर अन्य ३० जना घाईते भएका छन् । घाइते मध्ये कति जना नेपाली छन् भन्ने कुरा एकिन भएको छैन । अफगानस्तानका स्थानीय सञ्चारमाध्यमहरुले सो बसमा फिलिपिनी सुरक्षा गार्डसमेत सवार रहेको जानकारी दिएका छन् ।
स्थानिय समयानुसार आज बिहान बनाई जिल्लाबाट काबुलका लागी छुटेको मिनीबस आतंकबादि निशानामा परेको थियो । घाईते मध्ये अधिकांशको अबस्था गम्भीर रहेको अधिकारीलाई उदृत गर्दै अन्तराष्ट्रिय सञ्चारमाध्यमहरुले जनाएका छन् ।
बाटोमा बसको प्रतिक्षामा रहेका एक ब्यक्तिले सो बसलाई आक्रमण गरेको अफगान प्रहरीले जनाएको छ । घाईतेहरुलाई उद्धार गरी अस्पाताल पठाईएको छ । आक्रमणको जिम्मा तालिवानी बिद्रोहीहरुले लिएको अफगान अधिकारीहरुले जनाएका छन् ।
