अफगानिस्तान दक्षिणी प्रान्त उरुजगानको प्रान्तीय राजधानी टिरिन कोटको बाहिरी इलाकामा आतङ्ककारी र सैनिकबीच गएराति रातभरी भएको एक झड्पमा ३ सैनिक र ११ आतङ्ककारी मारिएका छन् । स्थानीय अधिकारीले सोमबार सो जानकारी दिएका छन् ।

टिरिन कोटको आर्मा इलाकामा अवस्थित एक सैनिक शिविरमा आइतबार राति अज्ञात सङ्ख्यामा आएका सशस्त्र आतङ्ककारीहरुले सुरु गरेको झडपमा ३ र्सैनिकले ज्यान गुमाए भने सैनिकको जवाफी कारबाहीमा ११ आतङ्ककारी मारिएका प्रान्तीय सरकारका प्रवक्ता दुउस्त मोहमदले बताएका छन् । सैनिक शिविर आक्रमणमा आएका ती आतङ्ककारीहरु तालिवान भएको जनाएको छ ।