अफगानिस्तानको पश्चिमी प्रान्त फराहमा अफगान सुरक्षा बलले तालिवान विद्रोहीको अखडालाई लक्ष्य गरी गरेको कारबाहीका क्रममा कम्तिमा ४७ जना सशस्त्र विद्रोही मारिनुका साथै ५१ जना घाइते भएका छन् ।
फराह प्रान्तका वरिष्ठ सैनिक अधिकारी रज मोहमद आर्याखिलले उक्त समाचारको पुष्टि गरेका छन् । फराह प्रान्तको बाला ब्लक जिल्लामा अवस्थित तालिवान विद्रोही अखडालक्षित कारबाहीमा ४७ तालिवान विद्रोहीको मृत्यु हुनुका साथै ५१ जना घाइते भएका अार्याखिलले बताएका हुन् ।
सुरुमा दिइएको समाचारअनुसार यस कारबाहीमा परी ३० विद्रोही मारिनुका साथै ४१ जना घाइते भएका थिए । पछि यो सङ्ख्या बढेर ४७ पुगेको हाे । सुरक्षा कारबाही जारी रहेको बताइएको छ । फराह प्रान्तमा सक्रिय रहेका तालिवान विद्रोही समूहले भने यस विषयमा केही टिप्पणी गरेका छैन ।
