अफगानिस्तानको हेलमन्ड प्रान्तमा भएको बम विस्फोटमा एक अमेरिकी सैनिकको मृत्यु भएको अमेरिकी रक्षा मन्त्रालय, पेन्टागनले सोमबार जानकारी दिएको छ ।
आइतबार भएको विस्फोटमा परी अमेरिकी सैन्य बलका ३६ वर्षीय एक कर्मचारीको मृत्यु भएको हो । यस विषयमा अनुसन्धान जारी रहेको अमेरिकी सेनाले बताएको छ ।
तालिबानविरुद्धको लडाइँमा अफगान सुरक्षाफौज अग्र मोर्चामा रहे पनि अमेरिकी सेनाले अफगान सैनिकलाई सल्लाह र तालिम दिइरहेको छ ।
