आर्थिक रुपले सङ्कटग्रस्त लेवनानको आर्थिक विकासमा योगदानका लागि संयुक्त अधिराज्य (बेलायत) ले २० करोड अमेरिकी डलर बराबरको सहायता प्रदान गरेको लेबनानका लागि बेलायती राजदूत क्रिस रामप्लिङले बताएका छन् ।
लेवनानी विदेशमन्त्री जेब्रान बसिलसँगको भेटपछि रामप्लिङको भनाइ उद्धृत गर्दै लेबनानी राष्ट्रिय समाचार संस्थाले जनाएको छ– ‘लेबनान र बेलायतबीचको द्विपक्षीय सम्बन्ध यस अघिको तुलनामा थप मजबुत बनिरहेको छ र बेलायतले लेबनानको अर्थतन्त्रको विकासका लागि थप सहयोग गर्न चाहिरहेको छ ।’
नयाँ सरकार लेबनानी राजासँगको द्वन्द्वमा निष्पक्ष बन्दै संयुक्त राष्ट्रसंघ सुरक्षा परिषदको सङ्कल्प प्रस्ताव १७०१ र १०५९ प्रति प्रतिबद्ध बन्नेमा पनि रामप्लिङले विश्वास व्यक्त गरे ।
‘हामीले सधैं लेबनानको स्थायित्व र सार्वभौमसत्तालाई कूटनीतिक माध्यमबाट सहयोग गर्नेछौं’– उनले भने । लेबनानको आर्थिक क्षेत्रमा प्रभाव देखिने गरी गम्भीर सुधारका कामहरू हुनेमा बेलायत आशावादी रहेको उनको भनाइ छ ।
