विश्वभर सन्त्रास मच्चाइरहेको कोरोनाभाइरस (कोभिड– १९) बाट बेलायती प्रधानमन्त्री बोरिस जोनसन समेत संक्रमित भएको पुष्टि भएको छ ।
प्रधानमन्त्री जोनसनले शुक्रबार अबेर भिडियोसहितको ‘ट्विट’ पोस्ट गर्दै आफूलाई कोरोना पोजिटिभ भएको सार्वजनिक गरेका हुन् ।पछिल्लो २४ घन्टा आफूलाई ज्वरो आउनुका साथै खोकी लागेको र मेडिकल अफिसरको सल्लाहअनुसार परीक्षण गर्दा नतिजा पोजेटिभ पाइएको उनले लेखेका छन् । प्रधानमन्त्री जोनसनले लेखेका छन्– ‘म घरमै सेल्फ आइसोलेनमा बसेको छु र यहींबाट भिडियो कन्फ्रेन्समार्फत सरकारको नेतृत्व गर्ने र भाइरससँग जुध्नेलगायतका सबै काम गरिरहेको छु ।’
कोरोना संक्रमणको पुष्टि भएलगत्तैदेखि उनी सेल्फ आइसोलेसनमा रहेको र त्यसै अवस्थामा बसेर सरकार चलाएको बताइएको छ ।
यस्तो छ जोनसनको ‘ट्विट’, जस्ताको तस्तै–
Over the last 24 hours I have developed mild symptoms and tested positive for coronavirus.
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
— Boris Johnson #StayHomeSaveLives (@BorisJohnson) March 27, 2020
