उत्तरपश्चिम पाकिस्तानी सहर पेसावरमा अज्ञात बन्दुकधारीले गरेको आक्रमणमा ३ सैनिकको मृत्यु भएको पाकिस्तानी प्रहरीले जानकारी दिएको छ ।
प्रहरी अधिकारी साउकात खानका अनुसार आइतबार बिहान निजी सवारी साधनमा अज्ञात बन्दुकधारीले गरेको आक्रमणमा परी ३ सैनिकको मृत्यु भएको छ ।
खानका अनुसार आक्रमणकारी मोटरसाइकलमा त्यहाँबाट भागेका थिए । आक्रमणकारीको खोजीकार्य जारी रहेको प्रंहरीले जानकारी दिएको छ ।
यस आक्रमणको हालसम्म कुनै पनि समूहले जिम्मा लिएको छैन् । तर यसप्रकारको आक्रमणमा इस्लामिस्ट स्टेट (आइएस) आतङ्ककारी समूहको सहभागीता रहँदै आएको छ ।
