तिहार हिन्दूहरुले मनाउने दोस्रो ठूलो चाड हो । यो पर्व कार्तिक महिनामा पर्दछ । यो पर्व पाँच दिनका लागि मनाइन्छ, त्यसैले यसलाई पञ्चक पनि भनिन्छ । यो चाडलाई झिलीमिली बत्तीहरूको चाड पनि भनिन्छ ।
मानिसहरू तिहारको बेलामा आफ्नो घर फूलमाला र तस्बिरहरूले सझाउनुका साथै घर वरिपरी सफा चिटिक्क बनाउँछन् ।
तिहारको पहिलो दिन काग तिहार पर्दछ । त्यस दिन हामी कागको पुजा गर्दछौँ । दोस्रो दिन कुकुर तिहार हो । यो दिनमा कुकुरको पूजा गरी मिठामिठा खानेकुरा खान दिई कुकुरलाई खुसी पारिन्छ । तेस्रो दिन गाई र धनकी देवी लक्ष्मीको पूजा गरिन्छ । चौथो दिन गोरु र गोवद्र्धनको पूजा गरिन्छ र पाँचौ तथा अन्तिम दिन भाइटिका गरि यो चाड मनाइन्छ ।
भाइटिकामा दिदीबहिनीले दाजुभाइलाई मिठामिठा परिकार फलफुल, मिठाइ,मसला दिने गरिन्छ भने दाजुभाइले पनि दिदीबहिनीलाई उपहार तथा दक्षिणा दिने गरिन्छ।
प्रथम दिन देखि पाँचौ दिनसम्म गरिने पूजाको पनि फरक फरक अर्थ र महत्व छ । कागलाई पूजा गर्नु भनेको कागलाई यमदुत मानेर हो । राम्रो समाचार ल्याउन अनुरोध गर्दै कागको पूजा गरिएको हो ।
कुकुरले हाम्रो र घरको सुरक्षा गर्ने भएकाले तथा गोरुको पूजा गर्नु भनेको गोरुले हाम्रो खेतबारी जोतेर हामीलाई अन्न उब्जाउन सहयोग गरेको हुनाले पूजा गोरूलार्इ पनि पूजा गरिएको हो ।
गाईलाई पूजा गर्नु भनेको गाईले हामीलाई पौष्टिकयुक्त दुध दिने भएकाले गाइलाई आमाको रुपमा पूजा गर्ने गरिन्छ ।
भाइटिका लगाउने भनेको विवाह गरेर टाडा भएका दिदीबहिनी तथा दाजुभाइ एकआपसमा भेटघाट गरि एकआपसको सम्बन्धलाई सुमधुर बनाउनको लागि हो ।
जे होस् हामीहरुको महान चाड तिहार अति नै रमाइलो चाड हो ।
कक्षा–७,जनज्योती इङग्लिस सेकेन्डरी स्कुल, कालिमाटी, काठमाडौं ।
