बुधबार सुरु क्रान्तिकारीको २१आैं राष्ट्रिय सम्मेलनले सहमतिबाट नेतृत्व चयन गर्न नसकेपछि निर्वाचन प्रक्रिया सुरु गरिएको निर्वाचन समितिका संयोजक रमेश मल्लले जानकारी दिएका छन् । मल्लका अनुसार आइतबार मतदाता नामावली प्रकाशन र अपराह्न ४ बजेदेखि साँझ ७ बजेसम्म उम्मेदवारी मनोनयन दर्ताको समय तोकिएको छ । मनोनयन भएपछि ३३ पदाधिकारी सहित २ सय ३४ केन्द्रीय सदस्यका लागि मंगलबार निर्वाचन हुनेछ ।

आइतबारै निर्वाचन गर्ने भनिए तापनि समयाभावका कारणले मंगलबारका लागि सारिएको हो । क्रान्तिकारीमा पहिलोपटक निर्वाचनबाट नेतृत्व चयन हुँदैछ । अध्यक्षका लागि वीरेन्द्र बस्नेत, रञ्जित तामाङ, अनिल शर्मा, रामचन्द्र अधिकारी र मदन चुँडालले दाबी गरेका छन् । निर्वाचन प्रक्रियामा २ हजार ३४ प्रतिनिधिले सहभागिता जनाउनेछन् ।