काठमाडाैंमा  अायाेजना गरिएकाे पत्रकार सम्मेलनमा प्याकुरेलले अन्तराष्ट्रिय क्रिकेट परिषद् (आइसीसी)ले भर्खरै क्यानलाई गरेको निलम्बनले नेपाली क्रिकेटमा दूरगामी नकारात्मक असर पर्ने बताए । देशको क्रिकेट बचाउन क्यानको विधानअनुसारका कार्यबाहेक सवै विषयमा आफूहरु लचिलो हुने बताउँदै उनले सरकारलाई सही समाधनको प्रश्ताव लिएर आउन आग्रह गरेका  छन् ।

“सङ्कटको यो घडीमा हामी नेपाली क्रिकेटप्रति संवेदनशील छौं, सरकार र राखेप (राष्ट्रिय खेलकुद परिषद्) स्पष्ट धारणा लिएर आएको खण्डमा निकासका लागि हामी सवै किसिमका छलफल गर्न तयार छौं ।” सरकारले यस विषयमा अभिभावकको भूमिका खेल्नुपर्नेमा जोड दिँदै प्याकुरेलले भने ।

चतुरबहादुर चन्द अध्यक्ष रहेको तथा प्याकुरेल महासचिव रहेको क्यानको पक्षको निर्वाचन गत वर्षको मङ्सिरमा भएको थियो । त्यसपछि प्रक्रिया पुर्याएर निर्वाचन नगरेको भन्दै पुसमा राखेपले रमेश सिलवालको अध्यक्षतामा तदर्थ समिति गठन गरेको थियो । अहिले दुवै समितिले काम गर्न पाएका छैनन् । दुवै समूहको विवाद सर्वोच्च अदालतमा विचाराधीन छ ।