म्यानचेस्टर युनाइटेडले लगातार तीन खेलको हारपछि लिग कप अन्तर्गत बुधबार राति भएको खेलमा नर्थह्यामप्टन टाउनलाई ३–१ ले हराएर चौथो चरणमा प्रवेश गरेको छ।
यसअघि प्रिमियर लिगमा म्यानचेस्टर सिटी र वाट्फोर्ड तथा युरोपा लिगमा स्याण्डविचसँग म्यानचेस्टर युनाइटेड पराजित भएको थियो ।
म्याचेस्टर युनाइटेडलाई जिताउन माइकल क्यारिक, एन्देर हरेरा र मार्कस रासफोर्डले एक एक गोल गरे । नर्थह्यामप्टनका एलेक्स रेवेलले एक गोल फर्काए।
यस्तै गएराति नै भएको अर्को खेलमा म्यानचेस्टर सिटीले स्वान्सी सिटीलाई २–१ ले हरायो । यस्तै टोटनह्यामले गिलिङह्यामलाई ५–० ले हरायो । हल सिटीले स्टोक सिटीलाई २–१, वेष्ट ह्यामले एकरिङटनलाई १–०, साउथह्यामप्टनले क्रिष्टल प्यालेसलाई २–० र सन्डरल्याण्डले क्युपिआर तथा ब्रिस्टोल सिटीले फुलहमलाई समान २–१ ले हराएर चौथो चरणमा स्थान बनाएका छन् ।
