नेपाली राष्ट्रिय फुटबल टोलीका मुख्य प्रशिक्षक ग्योतोकु कोजीले फिलिपिन्समा हुने एफसी एसियन कप छनोट–२०१९ का लागि ३६ जना खेलाडी छनोट गरेका छन् ।
नोभेम्बरमा एएफसी सोलिडारिटी कप जितेको टोलीका २३ र बाँकी १३ गरी ३६ खेलाडी छनोट गरिएको हो । यी खेलाडीको बन्द प्रशिक्षण फागुन १ देखि हुनेछ ।
छनोट भएका खेलाडीमा रविन श्रेष्ठ, विराज मर्हजन, अनन्त तामाङ, दिपक गुरुङ, आदित्य चौधरी, विमल घर्तीमगर, विशाल राई, राजन विष्ट, अनिल गुरुङ, हेमन गुरुङ, विकराम लामा तथा कमल श्रेष्ठ छन् ।
त्यसैगरी अन्जन विष्ट, सुजल श्रेष्ठ, किरण लिम्बू, सुमन लामा, नवयुग श्रेष्ठ, देवेन्द्र तामाङ, विशाल श्रेष्ठ, भरत खवास, राजेन्द्र रावल, रञ्जित धमाल, एलन न्यौपाने, कर्ण लिम्बू, युवराज खड्का, रवि पासवान र विश्व अधिकारी छन् ।
विमल पाण्डे, सुनिल बल, जितेन्द्र कार्की, दिनेश राजवंशी, रोहित चन्द, हेमन्त थापामगर र विमल बस्नेत पनि छनोटमा परेका छन् । एएफसी एसियन कपमा नेपालले आफनो पहिलो खेल आयोजक फिलिपिन्ससँग चैत १५ गते खेल्नेछ । अन्तिम चरणको छनोटमा २४ टोली सहभागी छन्, जसलाई ६ समूहमा विभाजन गरिएको छ ।
प्रत्येक समूहको शीर्ष स्थान हासिल गर्ने दुई टोली एसियन कपमा छनोट हुनेछन् ।
