स्पेनिस साईकल राईडर अल्बर्टो कोन्टाडोर फ्रान्समा जारी टुरे डे फ्रान्स साईक्लिङ प्रतियोगिताबाट बाहिरीएका छन् ।
टुर डे फ्रान्सअन्तर्गत गत आइतबार सम्पन्न नवौं चरणको खेलको क्रममा घाईते भएका कोन्टाडोरको चोट निको हुन कम्तिमा चार हप्ता लाग्ने भएपछि उनी आसन्न ओलम्पिक खेलकुद प्रतियोगिताबाट समेत बाहिरीएका छन् ।
उनको बहिर्गमनले स्पेनिस ओलम्पिक टिमलाई निकै ठूलो क्षती हुने बताइएको छ । पूर्व टुर डे फ्रान्स विजेता कोन्टाडोर विश्व साईक्लिङका कुनै पनि ठूला प्रतियोगिताका उपाधि दावेदार हुन् ।
उता टुर डे फ्रान्सको दशौं चरणको समाप्तिपछि ब्रिटिस साईकल राईडर क्रिस फुमले समग्र तालिकामा अग्रता बनाएका छन् ।
टिम स्काईका साविक विजेता फ्रुमलाई पछ्याइरहेका बाईक एक्सचेन्जका एडम याट्स दोस्रो स्थानमा छन् भने क्विस स्टेपका ड्यानिएल मार्टीन तेस्रो स्थानमा छन् ।
