युरोपियन क्लव फुटबलको दोस्रो ठूलो प्रतियोगिता युरोपा लिगअन्तर्गत गएराति भएको सेमिफाइनल पहिलो लेगको खेलमा लिभरपुल पराजित भएको छ । इङ्लिस क्लब लिभरपुललाई स्पेनको भियारियालले १-० ले हराएको हो ।
स्पेनमा भएको खेलको ईन्जुरी समयमा एड्रियानले गोल गर्दै टोलीलाई अग्रता दिलाएका हुन् । लिभरपुल र भियारीयालबीचको दोस्रो लेगको खेल आगामी हप्ता लिभरपुलको मैदान एन्फिल्डमा हुनेछ ।
यो खेल जितेको खण्डमा लिभरपुल झण्डै एक दशकपछि कुनै पनि युरोपियन प्रतियोगिताको फाइनलमा प्रवेश गर्नेछ ।
युरोपा लिगअन्तर्गत गएराति भएको अर्को सेमिफाइनलमा युक्रेनको शख्तरले स्पेनको सेभियासँग २-२ गोलको बराबरी खेलेको छ ।
