नेपाल वायु सेवा निगम सञ्चालक समितिका सदस्य समेत रहेका चो यू ट्रेकिङका प्रबन्ध निर्देशक निमानुरु शेर्पालाई इटालियन सरकारले सम्मान गरेको छ ।
दुई देशबीचको सम्बन्ध स्थापित गर्नको लागि खेलेको महत्वपूर्ण भूमिकाको कदर गर्दै शेर्पालाई सो सम्मान प्रदान गरेको हो । मंगलबार राजधानीमा आयोजना गरेको एक विशेष कार्यक्रममा उनलाई इटालीका राष्ट्रपतिद्वारा हस्ताक्षेरित ‘नाइट अफ् द अर्डर अफ् द स्टार अफ् इटाली’ अवार्ड प्रदान गरिएको हो ।
शेर्पालाई महावाणिज्यदुत डामिआनो फ्रान्कोभिघले सम्मान हस्तान्तरण गरेका थिए । शेर्पा विगत २ दशकदेखि पर्वतीय पर्यटनमा कृयाशील छन् ।
