राष्ट्रिय जनसांस्कृतिक महासङ्घले बिहीबारदेखि नृत्य तथा सङ्गीत प्रशिक्षण कक्षा सुरु गरेको छ ।
प्रशिक्षणमा नृत्य तथा सङ्गीतका साथै राजनीतिक प्रशिक्षण समेत प्रदान गरिने महासङ्घका का.वा. महासचिव प्रेमनाथ अधिकारीले जानकारी दिएका छन् । महासङ्घले अविरल कविता र सङ्गीत यात्रा पनि सञ्चालन गरिरहेको छ ।
सुरुमा हप्तामा २ दिन बिहान ७ देखि ९ बजेसम्म प्रशिक्षण कक्षा सञ्चालन गरिने जानकारी दिँदै विद्यार्थीको चाप बढ्दै गएपछि अपराह्न २ बजेपछि पुनः अर्को कक्षा सुरु गरिने सोच रहेको उनले बताए ।
