बलिउड अभिनेत्री विद्या बालन कार दुर्घटनामा परेकी छन्। यसअघि उनले फिल्म ‘तुम्हारी सुलु’ को सुटिङ सेटमा उपस्थिति नजनाएको खबर सार्वजनिक भएको थियो । तर, कारण भने उल्लेख गरिएको थिएन।
बलिउड हंगामाका अनुसार दुर्घटनामा परेको कारण उनी सेटमा जान नसकेकी हुन् । मुम्बईबाट बान्द्रा जाँदै गर्दा उनको कार दुर्घटनामा परेको हो। उनी सवार गाडीलाई पछाडिबाट अर्को सवारीले ठक्कर दिएको हो। विद्यालाई गहिरो चोट नलागेको भएपनि उनको गाडी क्षतिग्रस्त छ ।
नयाँ भेन्चर ‘तुम्हारी सुलु’मा उनी रेडियो जक्कीको रुपमा प्रस्तुत हुँदैछिन् । सुरेश त्रिवेनिल्तको निर्देशन रहने फिल्मको आउँदो डिसेम्बर १ मा रिलिज टार्गेट रहेको छ ।
