काभ्रेपलाञ्चोकको नमोबद्धमा पनि आज गौतमबुद्ध जयन्तीको अवसरमा चहलपहल बढेको छ ।
भगवान् गौतमबुद्धको पूर्व जन्म भएको स्थानले परिचित नमोबुद्धलाई झन्डा र तोरणले सजाउने काम भइरहेको छ । नमोबुद्ध पर्यटन विकास उपभोक्ता समितिका सचिव कार्साङ लामाले जानकारी दिए ।
यहाँ विश्व शान्तिका लागि बुद्धको पूजाआजा गरिनुका साथै र्याली निकाल्ने तयारी भएको उल्लेख गर्दै चीन र तिब्बतबाट समेत बौद्धधर्मावलम्बी नमोबुद्धमा आएको बताए ।
पानचाल देशका तत्कालीन राजकुमार माहासत्तोले वन विहारका क्रममा खान नपाएका पाँच डम्बरु (बगिनी) देखेको र खान नपाएर छट्पटाएका उनीहरुलाई आफ्नो शरीरको रगत खुवाएपछि जीवननै दान गरेकाले नमोबुद्धको महिमा रहेको लामाले उल्लेखगरे ।
त्यस्तै आज बुद्धजयन्तीका अवसरमा बनेपामा पनि बुद्धधर्मावलम्बीले प्रभावफेरी गरेका छन् । बुद्ध प्रतिभाको बनेपा नगर परिक्रममा गरी भगवान् गौतमबुद्धको प्रवचनसमेत भएको छ । रासस
