अर्जेन्टिनी फुटबल कप्तान लियोनल मेस्सीले आइतबार आफ्नो ३१औं जन्मदिन मनाए । २४ जुन, १९८७ मा जन्मिएका मेस्सी आइतबार ३१ वर्ष पूरा गरी ३२ मा लागे ।
यसै अवसरमा उनले मस्कोमा ‘सरप्राइज गिफ्ट’ पाए । विश्कपका लागि मस्को आएका उनलाई चकलेट तथा केक बनाउने पेशामा रहेकाहरूले केकको उनकै प्रतिमा बनाएर उपहार दिएका हुन् ।
मेस्सीलाई उपहार दिनकै लागि उनीहरूले सात दिन लगाएर मेस्सीजस्तै चकलेट–केक तयार पारेका थिए । मस्कोका पाँच जना केक निर्माताले बनाएको उक्त मेस्सी केक ६० किलोग्राम तौलको हो ।
