बङ्गबन्धु अन्तर्राष्ट्रिय गोल्डकप फुटबल प्रतियोगितामा नेपाल ‘ए’ समूहमा परेको छ ।
बङ्गलादेश फुटबल महासङ्घले आइतबार सार्वजनिक गरेको खेलतालिका अनुसार नेपालसहित समूह ‘ए’ मा प्यालेस्टाइन र ताजिकिस्तान रहेका छन् । समूह ‘बी’ मा आयोजक बङ्गलादेश, लाओस र फिलिपिन्स रहेका छन् ।
पाँचौं संस्करणको उक्त प्रतियोगिता असोज १५ देखि २७ सम्म बङ्गलादेशको राजधानी ढाकामा चल्नेछ । बङ्गबन्धु कपको अघिल्लो संस्करण (सन् २०१६) को विजेता राष्ट्र हो नेपाल ।
बङ्गलादेशका ‘राष्ट्रपिता’ बङ्गबन्धु शेख मुजिबुर रहमानको स्मृतिमा उक्त प्रतियोगिता आयोजना गरिँदै आएको हो ।
