चर्चित भारतीय सिनोअभिनेता अमिताभ बच्चनलाई कोरोनाभाइरसको संक्रमण पुष्टि भएको छ । सामाजिक सञ्जाल ‘ट्विटर’ मार्फत उनी आफैंले यसबारे जानकारी गराएका हुन् ।
शनिबार राति ११ः०७ मा उनले ‘ट्विटर’ मा लेखेका छन्– ‘मलाई कोरोना पोजेटिभ पुष्टि भएको छ । म अस्पताल भर्ना भइसकेको छु । मेरो परिवारका सदस्य र स्टाफहरुको पनि परीक्षण भएको छ र उनीहरुको रिपोर्ट आउन बाँकी नै छ । पछिल्ला १० दिन मेरो सम्पर्कमा आएका सबैलाई आ–आफ्नो परीक्षण गराउन अनुरोध गर्दछु ।’
वच्चनलाई शनिबार साँझ नानावती अस्पतालमा भर्ना गरिएको छ । अमिताभका छोरा अभिषेक बच्चनलाई पनि कोरोनाको सामान्य लक्षण देखिएको छ । परीक्षणको रिपोर्ट आउनुअघि नै उनलाई समेत अस्पताल भर्ना गर्ने तयारी भैसकेको छ ।
यस्ताे छ वच्चनकाे ‘ट्विट’–
T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !— Amitabh Bachchan (@SrBachchan) July 11, 2020
