गतवर्ष अमेरिकामा एक शिक्षिकामाथि १३ वर्षीय स्कुले बालकसँग यौन सम्बन्ध राखेको आरोपमा मुद्दा चलेको थियो । शिक्षिका अलेक्जेन्ड्रा बेरालाई अदालतले १० वर्षको कैद सजाय सुनाएको छ ।
ह्युस्टनस्थित एक माध्यमिक स्कुलमा अंग्रेजी पढाउने ती शिक्षिका १३ वर्षे स्कुले बालकबाट २४ वर्षको उमेरमा गर्भवती बनेको समाचार अन्तर्राष्ट्रिय सञ्चार माध्यमहरुले प्रकाशन–प्रशारण गरेका छन् । सञ्चार माध्यमहरुका अनुसार ती शिक्षिकाले आफ्नो ‘भाइ’ भन्दै ती बालकलाई घरमै पढ्न बोलाउँथिन् । सोही क्रममा उनीहरुबीच ‘प्रेम सम्बन्ध’ फैलिएपछि अलेक्जेन्ड्राले गर्भधारण गरेकी थिइन् ।
ती शिक्षिकालाई अभियोग लागेपछि अदालतमा मुद्दा चलिरहेको थियो । उनको विषयमा अदालतले हालै फैसला सुनाउँदै १० वर्षको जेल सजाय सुनाएको छ । उक्त घटना सार्वजनिक भएकै बेलादेखि उनलाई प्रहरीले पक्राउ गरी नियन्त्रणमा राखेको खबर सोमबारको अन्नपूर्ण पोस्टमा प्रकाशित छ ।
