अस्ट्रेलियाका एक नागरिकले १३ वर्षअघि सपनामा देखेको नम्बरको आधारमा किनेको चिठ्ठाबाट १० लाख अमेरिकी डलर जितेका छन् । आफ्नो परिचय नखुलाएका ती मानिसले सपनामा देखेका ती संख्याको चिठ्ठा आफूले लगातार किन्दै आएको बताएका छन् ।
खुसी हुँदै उनले भनेका छन्– ‘मैले मेरो टिकट अनलाइनमार्फत जाँचेपछि आफूलाई चिठ्ठा परेको खबर थाहा पाएको हुँ । मैले आफ्नो भाग्यको प्रयास जारी निरन्तर राखेथें, मलाई एक दिन ती संख्यामा चिठ्ठा पर्नेमा पूर्ण विश्वास थियो ।’
आफूलाई विगतमा पनि सोही नम्बरमा सानो परिमाणका चिठ्ठा परिसकेको उनले बताएका छन् । यी आफ्नो भाग्याशाली संख्या भएकाले अझै पनि सोही नम्बरको चिठ्ठा किन्न नछाड्ने उनले बताएको खबर मंगलबारको नेपाल समाचारपत्र दैनिकमा प्रकाशित छ ।
