सरकारले करिव दुई दर्जन आयोजनालाई उच्च महत्त्व दिएर ‘राष्ट्रिय गौरवका आयोजना’ का रुपमा घोषणा गरी त्यसअनुरुप निर्माण कार्य अघि बढाउन खोजे पनि सफल नभएपछि प्रधानमन्त्री केपी शर्मा ओलीले सिधै ‘अनुगमन’ गर्ने भएका छन् ।
देशको कार्यकारी प्रमुखले आयोजनाहरूको प्रत्यक्ष अनुगमन गर्न सिंहदरबारमा उनकै कार्यालयमा ‘एक्सन रुम’ को व्यवस्था मिलाइएको छ । यो प्रयाससँगै अब भने निर्माणकार्यले गति लिने अपेक्षा गरिएको छ ।
प्रधानमन्त्री तथा मन्त्रिपरिषद् कार्यालयका प्रवक्ता विनोदबहादुर कुँवरका अनुसार राष्ट्रिय गौरवका आयोजनाको काम तोकिएको समयमै सम्पन्न होओस् भनेर प्रधानमन्त्रीद्वारा ‘अनुगमनको पनि अनुगमन’ गर्ने व्यवस्था मिलाइएको खबर रुद्र खड्काको बाइलाइनमा बुधबारको नागरिक दैनिकमा प्रकाशित छ ।
