भारतीय सीमा सुरक्षा बल (एसएसबी) ले पूर्वी सीमा क्षेत्रका नेपालीमाथि अनावश्यक दुःख दिइरहेको छ । सीमा क्षेत्रको नेपाली भूमिमा सडक, घर, चर्पी बनाउन अवरोध गरिरहेको एसएसबीले सूर्योदय नगरापालिका– २, चारमाइलको कच्ची सडक समेत बन्द गराउने प्रयास गरेको छ ।
नेपाल भएर भारत छिर्ने वर्षौं पुरानो कच्ची सडकमा खाडल खनेर एसएसबीले आउजाउमा अवरोध गरेको हो । विशेषगरी नेपालतर्फको तरकारी भारतमा बेच्ने काम बन्द गराइदिने ध्येयले सडकको दसगजामा खाडल खनेर अवरोध सिर्जना गरेको नेपाल प्रहरीले जनाएको खबर भीम चापागाईंको बाइलाइनमा मंगलबारको नागरिक दैनिकमा प्रकाशित छ ।
