पुरुषले पनि सम्बन्ध–विच्छेदका मुद्दा दर्ता गर्न सकिने नयाँ कानुनी व्यवस्थासँगै ओखलढुंगाका ३२ जना पुरुषले जिल्ला अदालतमा सम्बन्ध–विच्छेद मुद्दा दर्ता गराएका छन् ।
मुलुकी देवानी कार्यविधि (संहिता) ऐन, २०७४ मा उल्लिखित व्यवस्थाको प्रयोग गर्दै उनीहरुलेले मुद्दा दर्ता गराएका हुन् । जिल्ला अदालतको तथ्यांकअनुसार ओखलढुंगामा गत आर्थिक वर्षमा परेका ८० वटा मुद्दामध्ये ३२ जना पुरुषले सम्बन्ध–विच्छेदका लागि मुद्दा दर्ता गराएको स्रेस्तेदार नेत्रबन्धु पौडेलले बताए ।
स्रेस्तेदार पौडेलका अनुसार मुलुकी देवानी (संहिता) ऐन, २०७४ को दफा ९४ को अधिकार प्रयोग गरी मुद्दा दर्ता भएको खबर शुक्रबारकाे नागरिक दैनिकमा प्रकाशित छ ।
