नेपाली सेनाले ‘इन्सास’ र ‘एसएलआर’ हतियार विस्थापन गरेर मातहतका सबै फौजलाई अमेरिकी सेनाले प्रयोग गर्दै आएको ‘एम–१६’ राइफल उपलब्ध गराउने भएको छ ।
करिव १५ वर्षपछि एकै पटक ‘एम–१६’ राइफलसहित सेनाले अमेरिकाबाट ठूलो परिणाममा घातक सैन्य सामग्री किन्न लागेको हो । एउटा ‘एम–१६’ राइफलको मूल्य १ हजार ५ सयदेखि ३ हजार अमेरिकी डलरसम्म पर्नेछ ।
करिव ९७ हजार फौज तैनाथ रहेकामा आगामी ४ वर्षभित्र ‘इन्सास’ र ‘एसएलआर’ राइफल विस्थापित गर्ने गरी नयाँ हतियार किन्न प्रक्रिया अघि बढाइएको सेनाले जनाएको छ । यी हतियार ‘जी–टु–जी’ प्रक्रियाअन्तर्गत अमेरिकाबाट सीधै हवाइमार्गबाट ल्याइने खबर सोमबारको कारोबार दैनिकमा प्रकाशित छ ।
