अख्तियार दुरुपयोग अनुसन्धान आयोगले दुई उपसचिवलाई पक्राउ गरी अनुसन्धान सुरु गरेको छ ।
कम्पनी रजिस्ट्रारको कार्यालय, त्रिपुरेश्वरमा कार्यरत उपरजिस्ट्रार उपसचिवद्वय धर्मराज रोकााय र गंगाधार पौडेललाई प्रहरी केन्द्रीय अनुसन्धान ब्युरोको सहयोगमा बिहीबार दिउँसो बबरमहलबाट पक्राउ गरी अनुसन्धान सुरु गरिएको हो ।
कीर्ते कागजपत्र बनाएर ७० करोड रुपैयाँ बराबरको धनसम्पत्ति बेचविखनमा संलग्न रहेको अरोप लागेपछि उनीहरु फरार भएका थिए । यसअघि सोही प्रकरणमा १२ जनालाई पक्राउ गरिएको खबर शुक्रबारको नागरिक दैनिकमा प्रकाशित छ ।
