समाजमा यौन–हिंसा र बलात्कार बढ्नुमा पोर्न साइटहरुको प्रयोग पनि एक मुख्य कारक रहेको विश्लेषण गर्दै सरकारले हालसम्म १६ हजारभन्दा बढी त्यस्ता सइटहरूमाथि बन्देज लगाएको छ ।
‘देशमा बढ्दो बलात्कार र महिलाा हिंसाका घटना न्यूनीकरण गर्ने उद्देश्यले’ सञ्चार तथा सूचना प्रविधि मन्त्रालयले असोज ५ मा यस्ता साइटमाथि पूर्णरुपमा बन्देज लगाउने निर्णय गरेको थियो । मुलुकी अपराध संहिता ऐन, २०७२ को दफा १२१ मा टेकेर ‘अश्लील साइट’ बन्देज गर्न निर्देशन दिइएको हो ।
उक्त दफामा यौनजन्य अश्लील सामग्रीको अदान–प्रदान, प्रकाशन र प्रसारणमा बन्देज लगाइएको खबर सोमबारको नेपाल समाचारपत्र दैनिकमा प्रकाशित छ ।
