नेपाली कांग्रेसको नयाँ विधानका निम्ति तयार हुँदै गरेको मस्यौदामाथि छलफल गर्न जिल्ला सभापतिहरू नुवाकोटको ककनीमा भेला भएका छन् ।
बुधबार सुरु भएको दुईदिने भेला प्रस्तावित विधान मस्यौदामाथि केन्द्रित हुने जानकारी नुवाकोट सभापति जगदीश्वरनरसिंह केसीले दिए ।
जिल्ला सभापतिहरूकै पहलमा भेला भएको उनले जनाए । ‘विधानमाथि छलफल गर्न विशुद्ध सभापतिहरूको मात्र भेला हो, यहाँ केन्द्रीय नेता कोही आउनुहुन्न’– उनले भने ।
विधान मस्यौदामा उल्लेखित संगठनात्मक लगायतका विभिन्न विषयमा संशोधनका लागि ७७ वटै जिल्लाका सभापतिको साझा धारणा महासमितिमा लैजाने योजनासहित भेला सञ्चालन भएको केसीको भनाइ रहेको खबर बिहीबारको नयाँ पत्रिका दैनिकमा प्रकाशित छ ।
