‘ध्वंसात्मक गतिविधि’ को आरोपमा सरकारले ‘प्रतिबन्ध’ लगाएको नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीसम्बद्ध शिक्षक संगठनका अध्यक्ष घनश्याम पाठक पनि ‘प्रबल जनसेवाश्री’ पदकबाट ‘सुशोभित’ भएका छन् ।
राष्ट्रपति विद्यादेवी भण्डारीले आइतबार उनलाई पदक प्रदान गर्दै ‘सुशोभित’ गरेकी हुन् । भण्डारीले आइतबार धेरै जनालाई पदक वितरण गरेकी थिइन् ।
प्रबल जनसेवाश्री पदक पाउने पाठक अखिल नेपाल शिक्षक संगठनका केन्द्रीय अध्यक्ष हुन् । गत वर्ष मात्र उनी सो संगठनको अध्यक्ष बनेका थिए । राजनीतिक दलनिकट शिक्षक संगठनको अध्यक्ष भए पनि पाठकले नेतृत्व गरेको स्कुल अध्ययन–अध्यापनमा अब्बल रहेको खबर मंगलबारको अन्नपूर्ण पोस्ट दैनिकमा प्रकाशित छ ।
