नेकपाका ७७ जिल्ला अध्यक्ष र सचिव बनाइएका १ सय ५४ जना नेतामध्ये ५३ जनाले दोहोरो जिम्मेवारी पाएका छन् ।
केही नेताले भने तेहेरो जिम्मेवारी पनि पाएका छन् । प्रतिनिधिसभाका ११, राष्ट्रियसभाका १, प्रदेशसभाका २४ र स्थानीय तहका जनप्रतिनिधि ७ गरी ४३ जना नेताले जिल्ला अध्यक्ष र सचिवको जिम्मेवारी पाएका छन् । यस्तै, विभिन्न तहका थप जनप्रतिनिनि केन्द्र र जिल्लाको भूमिकामा छन् । नेकपाले केन्द्रीय समितिकै १६ नेतालाई जिल्ला कमिटीको अध्यक्ष र सचिवको जिम्मा दिएको छ । ७ केन्द्रीय सदस्य जिल्ला कमिटीका अध्यक्ष भएका छन् भने ९ केन्द्रीय सदस्य जिल्ला कमिटीको सचिव बनेका छन् ।
नेताहरुलाई दोहोरो जिम्मेवारी दिइएपछि नेकपाभित्र असन्तुष्टि बढेको छ र कतिपयले पदीय जिम्मेवारी समेत त्यागेको खबर रामकृष्ण अधिकारीको बाइलाइनमा बुधबारको अन्नपूर्ण पोस्ट दैनिकमा प्रकाशित छ ।
