सार्क जनसम्पर्क मञ्च बङ्गलादेशका अध्यक्ष मुस्ताफिजुर रहमान खानले सार्कका जनताबीच आत्मीय जनसम्पर्क विस्तारका लागि मञ्च स्थापना भएको बताएका छन् ।
यहाँ आज पत्रकारसँगको भेटघाटमा उहाँले बङ्गलादेश, नेपाल, भारत र भुटानमा मञ्च गठन भइसकेको र अन्य राष्ट्रमा पनि विस्तार भइरहेको जानकारी गराए ।
खानले जनसम्पर्कका साथै सञ्चार, मानवधिकार, शिक्षा र चेतनाको विकास, विचार आदानप्रदान, संस्कृति र पर्यटनका बारेमा जानकारी गराउन मञ्च सक्रिय रहने बताए ।
खानले प्रकृति र पर्यटन क्षेत्रको धनी नेपालका बारेमा बङ्गलादेशी लगायत सार्क मुलुकलाई जानकारी गराउने र अन्य मुलुकको पनि संस्कृति र पर्यटनको जनस्तरमा जानकारी गराउने भूमिका मञ्चले निर्वाह गर्ने स्पष्ट पारे । मञ्चका माध्यमबाट सार्कका जनताबीच सम्बन्ध विस्तार गराउनका लागि मञ्चले सेतुका रुपमा काम गरिने खानले बताए । रासस
