उद्योगीले आफ्नो माग पूरा गर्न दबाब दिने उद्धेश्यले वर्सेनि दसैंअघि ग्यासको कृत्रिम अभाव सिर्जना गर्दै दादागिरी गर्ने गरेका छन् । ग्यास उद्योग संघले यस पटक पनि साताअघि पत्रकार सम्मेलन गरेर ग्यास ढुवानी गर्ने बुलेटको भाडादर नबढाइए आपूर्ति ठप्प पार्ने धम्की दिएको छ ।
भारतीय बुलेटधनीको मागअनुसार तत्काल भाडादर समायोजन नभए दसै–तिहारजस्ता चाडपर्वमा ग्यासको हाहाकार हुन सक्ने संघको धम्की छ । निगमले उद्योगीलाई प्रतिसिलिन्डर २८१.०५ रुपैयाँ दिँदै आएको छ । यो रकम उद्योगीलाई एकमुष्ट यो दिएर प्रतिसिलिन्डर १४ सयमा बेच्दा निगमलाई ३०९.७९ रुपैयाँ नोक्सान छ ।
उद्योगीले भनेजस्तो ढुवानी खर्च बढाइदिँदा उपभोक्ता मूल्य र निगमको नोक्सानि बढ्नेछ । उद्योगीले ७–८ वर्षदेखि नै हरेक दसैंअघि यस्तै दादागिरपूर्ण ‘आन्दोलन’ गर्दै आएको खबर आइतबारको नयाँ पत्रिका दैनिकमा प्रकाशित छ ।
