प्रहरीका अनुसार काठमाडौं उपत्यकामा करिव ५ सय जना चोर सक्रिय छन् ।
महानगरीय अपराध महाशाखाका अनुसार, उपत्यकामा श्रृङ्खलाबद्ध चोरी, डकैती, लुटपाटलगायतका अपराधमा संलग्न ४ सय ८० भन्दा बढी व्यक्ति ‘पेशेवर चोर’ का रुपमा सक्रिय छन् । पछिल्लो ३ वर्षमा देशभर ५ हजारभन्दा बढी चोरीका घटना दर्ता भएकामा १ हजार ५ सयभन्दा बढी चोरी काठमाडौं उपत्यकामा भएको प्रहरी प्रधान कार्यालय अपराध अनुसन्धान विभागको अभिलेखमा उल्लेख छ ।
श्रृङ्खलाबद्ध चोरीका घटनामा अदालतबाट धरौटीमा छुटेका तथा कैद सजाय भुक्तान गरेका व्यक्ति संलग्न रहँदै आएका छन् । रातिभन्दा दिउँसो बढी चोरी हुँदै आएको छ । चोरीमा १६ वर्ष मुनिका किशोर–किशोरीको संख्या समेत बढ्दै गएको खबर मंगलबारको कारोबार दैनिकमा प्रकाशित छ ।
