संघीय संसदका सांसदले २ हजारदेखि २ लाख रूपैयाँसम्म उपचार खर्च बुझेका छन् ।
प्रतिनिधिसभा र राष्ट्रियसभाका ४० जना सांसदले झन्डै ७ लाख उपचार खर्च लिएको जानकारी संघीय संसद् सचिवालयले दिएको छ । फागुन २१ देखि संसदको बैठक प्रारम्भ भएयता उपचार खर्चका लागि सचिवालयमा सांसदका निवेदनको चाङ लागेका छन् ।
सचिवायलयमा कार्यरत चिकित्सकको टोलीले उपचार खर्चको बिलमाथि अनुसन्धान गरेर यकिन रकम मात्र उपलब्ध गराउने सचिवालयको भनाइ छ । सत्तासीन नेकपाकी राष्ट्रियसभा सांसद् शान्तिकुमारी अधिकारीले सबैभन्दा बढी २ लाख २३ हजार ९ सय २९ रुपैयाँ उपचार खर्च लिएकी छन् ।
सांसद् अधिकारीले जेठ ३१ र भदौ २४ मा दुई पटक सचिवायलयबाट उपचार खर्च लिएको खबर शुक्रबारको अन्नपूर्ण पोस्ट दैनिकमा प्रकाशित छ ।
