सरुवा गरेर नगरपालिकामा खटाइए पनि जान नमान्ने उपसचिवलाई हाजिर गर्नबाट रोक्ने क्रममा दुई पक्षबीच हाजिर कापी खोसाखोस भएको छ ।
शिक्षा तथा मानव स्रोत विकास केन्द्रमा आइतबार हस्ताक्षर गर्न गएका उपसचिवको हाजिर कापी केन्द्रका कर्मचारीले लुकाएका थिए ।
हाजिर कापी नभेटेर हल्लीखल्ली भएपछि प्रशासन शाखाका कर्मचारीले लुकाएको जानकारी उपसचिवहरुले पाएका थिए । लगत्तै उनीहरु केन्द्रका महानिर्देशक बाबुराम पौडेललाई भेट्न गएका थिए ।
भेटमा पौडेलले भने उपसचिवहरुलाई जुन नगरपालिकामा खटाइएको छ, त्यहीं जान अनुरोध गर्दै सम्झाउने प्रयास गरेको खबर सोमबारको अन्नपूर्ण पोस्ट दैनिकमा प्रकाशित छ ।
