नवगठित नेपाल कम्युनिस्ट पार्टी (नेकपा) का २१ केन्द्रीय सदस्यले आफ्नै पार्टी अध्यक्ष एवं प्रधानमन्त्री केपी शर्मा ओलीतिर गम्भीर प्रश्न तेर्स्याएपछि ओली पक्ष्ले त्यसको आरोप वरिष्ठ नेता माधव नेपालतिर सोझ्याइदिएको छ ।
२१ जना केन्द्रीय सदस्यलाई माधकुमार नेपाल पक्षले नियोजित रुपमा उचालेको आरोप केपी पक्षले लगाएको छ । उक्त पक्षका एक वरिष्ठ नेताले आफ्नो नाम उल्लेख नगर्ने शर्तमा भने– ‘यो माधवकुमारकै उक्साहटमा भएको हो, पार्टीभित्र समीक्षा हुन्छ । खासमा यो कसरत भोलिको सचिवालय बैठकलाई प्रभावित पार्ने खेल हो ।’
केही दिनअघि उक्त पार्टीका वरिष्ठ नेता माधवकुमार नेपालले संसदबाटै सरकार र पार्टी नेतृत्वको कटाक्ष गरेके कुरा स्मरणीय भएको खबर बिहीबारको नेपाल समाचारपत्र दैनिकमा प्रकाशित छ ।
