अष्ट्रेलियाका लागि नेपाली राजदूत लक्की शेर्पा मानवतस्करीमा संलग्न भएको भनी लागेको आरोपप्रति गम्भीर हुँदै प्रमुख प्रतिपक्षी दल नेपाली कांग्रेसले उनीमाथि तत्काल छानबिन गर्न सरकारको ध्यानाकर्षण गराएको छ ।
कांग्रेस प्रवक्ता विश्वप्रकाश शर्माले बुधबार प्रेस विज्ञप्ति जारी गर्दै राजदूत नै मानवतस्करीमा लागेको जस्तो गम्भीर आरोपमाथि सरकारले अनुसन्धान नगर्नु र मौनता साँध्नु अझ गम्भीर विषय भएको जनाएको खबर बिहीबारको नेपाल समाचारपत्र दैनिकमा प्रकाशित छ ।
