खाँदबारी नगरपालिकाकी एक महिला नवजात शिशु हत्या अभियोगमा पक्राउ परेकी छन् ।
खाँदबारी– ६, मयमकी ३७ वर्षीया फूलमाया राई शिशु हत्या अभियोगमा फक्राउ परेकी हुन् । एकल जीवन बिताइरहेकी फूलमायाले अवैध गर्भधारणपछि जन्मिएको शिशुको हत्या गरेको प्रहरीले जनाएको छ ।
उनको पति टंकमान राईको केही वर्षअघि नै मृत्यु भएको थियो । फूलमायाले बच्चा जन्माएर हत्या गरी डोकोमा राखेर फाल्न लैजाँदै गरेको अवस्थामा स्थानीयले देखेपछि प्रहरीलाई खबर गरेको समाचार मंगलबारको नयाँ पत्रिका दैनिकमा प्रकाशित छ ।
