कामदार भिसामा मलेसिया उड्न लागेका २९ जनालाई विमानस्थल अध्यागमनले शुक्रबार फिर्ता पठाइदिएको छ ।
श्रम स्वीकृति नलिर्इ गएका उनीहरुलाई अध्यागमनले नाम र पासपोर्ट नम्बरसहितको विवरण इन्ट्री नगरी फर्काएको हो ।
वैधानिक कागजात नपुर्याई विदेश उड्न खोज्नेलाई अध्यागमनले विवरण इन्ट्री गरेर फर्काउनुपर्ने नियम छ । मलेसियाका लागि औंठाछाप लगाएको प्रक्रिया गर्ने कम्पनी भीएलएलनविरुद्ध कानुनी कारबाही थालिएयता कामदार भिसामा मलेसिया जान सरकारले रोकेको छ ।
मलेसियाको कामदार भिसासहित पासपोर्ट लिएर गएका चार जनालाई अध्यागमनले बिहीबार पनि फर्काइदिएको खबर सोमबारको कान्तिपुर दैनिकमा प्रकाशित छ ।
