शिक्षकको कुटपिटपछि कक्षा ७ मा पढ्ने एक छात्रको मृत्यु भएको छ । पिट्ने शिक्षक फरार छन् ।
कलैया उपमहानगरपालिका– १ स्थित नमूना निमाविमा अध्ययनरत पर्सा गाउँका वीरेन्द्र महतो मण्डलका छोरा १३ वर्षीय अजयकुमारको उपचारका क्रममा मृत्यु भएको हो ।
शिक्षक सोनालाल यादवले एक छात्राको विषयमा उजुरी आएको भन्दै सोमबार अजयलाई कुटेर तेस्रो घन्टी नसकिँदै घर पठाएको उनका सहपाठीले बताएको खबर बिहीबारको कान्तिपुर दैनिकमा प्रकाशित छ ।
