रोजगारीका लागि कोरिया जानका निम्ति दिनुपर्ने भाषा परीक्षा सन् २०२० देखि अनलाइनबाटै हुने भएको छ ।
वैदेशिक रोजगार विभाग अन्तर्गतको रोजगार अनुमति प्रणाली (र्इपीएस) को परीक्षा अनलाइन प्रणालीमार्फत गराउने तयारीमा रहेको जानकारी र्इपीएस शाखाका प्रवक्ता शोभाकर भण्डारीले दिएका छन् ।
अचेल कोरियन भाषा परीक्षा कागजमा लिने चलन छ । ‘अनलाइन भरेर घरमै बसेर दिन मिल्ने भने होइन । हामीले परीक्षा केन्द्र तोकिदिएका हुन्छौं, त्यहाँ छुट्टाछुट्टै कम्प्युटरबाट अनलाइनमै परीक्षा दिनुपर्ने हुन्छ’– भण्डारीले भनेको खबर सोमबारको नागरिक दैनिकमा प्रकाशित छ ।
