सुदूरपश्चिमका प्रदेश प्रमुख (गर्भनर) मोहनराज मल्ल २८ वर्षदेखि कालोसूचीका ऋणी भएको खुल्न आएको छ ।
मल्लले तीन दशकअघि लिएको ऋण नतिरेपछि उनलाई २०४७ देखि कालोसूचीमा राखिएको नेपाल बैंकले जनाएको छ ।
मल्ल, उनका भाइ मदनबहादुरलगायत मल्लको समूहले २०४१ र ०४२ मा नेपाल बैंकबाट ९८ लाख ५३ हजार ऋण लिएका थिए । ऋण लिएको ३ वर्षपछिबाट यो समूहले साँवा–ब्याज केही पनि भुक्तानी नगरेपछि २०४७ कात्तिक ३० देखि उनीहरुलाई कालोसूचीमा राखिएको खबर मंगलबारको कान्तिपुर दैनिकमा प्रकाशित छ।
