बम्जन आश्रमबाट अनुयायी बेपत्ता पारिएको भन्दै जाहेरी परेपछि ठोस प्रमाण जुटाउन सिन्धुपाल्चोक प्रहरी सक्रिय रहँदै आएको छ ।
पहिलो चरणमा बम्जनको बाँडेगाउँस्थित टोड्केभीर आश्रमबाट बेपत्ता भएका मकवानपुर, हेटौंडाका सञ्चलाल वाइबालाई अनुसन्धानको केन्द्रमा राखिएको छ ।
सोही आश्रममा हत्यापछि उनलाई गाडिएको भन्ने समाचार सार्वजनिक भएपछि मुद्दा बलियो बनाउन प्रहरीलाई ठोस प्रमाण आवश्यक परेको हो ।
सञ्चलालका छोरा महेन्द्र वाइबाले सिन्धुपाल्चोक प्रहरीमा जाहेरी दिएकाले प्रहरीले सक्रियता तीव्र बनाएको खबर मंगलबारको नागरिक दैनिकमा प्रकाशित छ ।
