करिव एक हप्ता अघिदेखि सुरु भएको हिउँदे वर्षाको प्रभाव आइतबारदेखि क्रमिक रुपममा सुधार हुँदै जाने मौसम पूर्वानुमान महाशाखाले जनाएको छ ।
आइतबार मौसममा सुधार भए पनि काठमाडौंमा भने बदली भई छिटपुट वर्षा हुन सक्ने सम्भावना रहे पनि शनिबारजस्तो दिनभर बदली हुने सम्भावना नरहेको मौसमविदहरुले जनाएका छन् ।
महाशाखाकी मौसमविद् शान्ति कँडेलले भनिन्– ‘आइतबारदेखि मौसम सफा हुनेछ तर पनि आइतबार बदली भई छिटपुट वर्षा हुने सम्भावना छ ।’ हिउँदे वर्षा बन्द भएसँगै यो वर्षको जाडो घटेर क्रमशः गर्मी चढ्न थाल्ने बताइएको खबर आइतबारको नागरिक दैनिकमा प्रकाशित छ ।
