चिकित्सकहरूले बर्ड फ्लुका कारण कुखुराको मासु खान हिच्किचाउनु नपर्ने बताएका छन् ।
राम्ररी पकाएको मासु खाँदा बर्ड फ्लु भाइरसले कुनै असर नगर्ने उनीहरुको दाबी छ । स्वास्थ्य सेवा विभाग, इपिडिमियोलजी तथा रोग नियन्त्रण महाशाखाका प्रमुख डा. विवेककुमार लालले यत्पादकलाई भन्दा मासु खाने उपभोक्ताका लागि तुलनात्मक रुपमा सुरक्षित रहेको बताए । ‘काँचो मासु खानु हुँदैन, पकाएर खानुपर्छ, पकाएर खाँदा बर्ड फ्लुको जोखिम हुँदैन’– उनले भने ।
मासु उपभोग गर्नेभन्दा पशुपन्छीको स्याहारसुसार गर्ने किसान र कामदारको स्वास्थ्य जोखिममा छ । उनीहरुमा बर्ड फ्लु को संक्रमण हुने जोखिम रहेकाले सजग हुन चिकित्सकले सल्लाह दिएको खबर बुधबारको अन्नपूर्ण पोस्ट दैनिकमा प्रकाशित छ ।
