खानेपानी मन्त्री विना मगरको विदेश भ्रमण मन्त्रिपरिषदको बैठकले अस्वीकृत गरेको छ । सोमबारदेखि शुक्रबारसम्म कोस्टारिकामा हुने भनिएको खानेपानीसम्बन्धी अन्तर्राष्ट्रिय कार्यक्रममा सहभागी हुन मन्त्री मगर जाने तयारी गरिए पनि मन्त्रिपरिषद् बैठकले उनको भ्रमण अस्वीकृत गरेको हो ।
मगरसँगै मन्त्रालयका सहसचिव तेजलाल भट्ट, खानेपानी विभागका महानिर्देशक सुनिलकुमार दास तथा मन्त्रालयका उपसचिव टोलराज उपाध्याय पनि कोस्टारिका भ्रमणमा जाने कार्यक्रम तय गरिएको खर मन्त्रिपरिषदले अस्वीकार गरिदिएको खबर भुवन शर्माको बाइलाइनमा सोमबारको नागरिक दैनिकमा प्रकाशित छ ।
