भारतको राजस्थान घर बताउने चार भारतीय नागरिकलाई प्रहरीले शुक्रबार झन्डै ६ किलो अवैध सुनसहित पक्राउ गर्यो ।
थाइल्याण्डबाट आएका भारतीय नागरिक बबिता गर्ग, सरिता जैन, जपिन जैन र सुनीतालाई भन्सार र सुरक्षाजाँच पास गरेर त्रिभुवन विमानस्थल बाहिरको नयाँ पार्किङ क्षेत्रमा पुगेका बेला प्रहरीले नियन्त्रणमा लिएको थियो । गृह मन्त्रालयले फागुन १३ मा जारी गरेको ‘गृह प्रशासन सञ्चालनको एक वर्ष’ प्रतिवेदनमा संगठित सुन तस्करीको सञ्जाल ध्वस्त पारेको दाबी गरिएको डेढ महिनापछि विमानस्थलबाट यति धेरै अवैध सुन बरामद भएको हो ।
शुक्रबार बरामद भएको सुन तस्करीको शैली भने नयाँ थियो । पक्राउ परेकाहरुले प्रहरी अधिकारीहरुलाई झुक्याउन सुनको बाला, कल्की र सिक्रीमा विभिन्न धातुका लेप लगाएको खबर आइतबारको पत्रपत्रिकामा प्रकाशित छ ।
