इजरायली वैज्ञानिकहरुले हालै मात्र त्रिआयामिक (थ्रीडी) प्रिन्टिङ प्रविधिको मद्दतबाट कोशिका र धमनीसहितको मुटु निर्माण गर्न सफलता हासिल गरेका छन् ।
चिकित्सा विज्ञान क्षेत्रमा यसलाई एक महत्त्वपूर्ण खोजका रुपमा लिएको छ किनभने यसअघि वैज्ञानिकहरुले मानव शरीरका कोषहरु मात्र बनाएका थिए, त्यसमा धमनी राख्न सकेका थिएनन् । यसको खास विशेषता भनेको यसलाई मानव कोशिकाहरुबाट बनाइएको छ ।
इजरायलको तेलअभिव युनिभर्सिटीका अनुसन्धानकर्ताहरुले बनाएको यो मुटु अहिले नै पूर्णरुपमा काम गर्न भने सक्षम छैन । यद्यपि, पहिलो पटक वैज्ञानिकहरु थ्रीडी प्रविधिबाट कृत्रिम मुटु बनाउने दिशामा यति नजिक पुगेको खबर आइतबारको नेपाल समाचारपत्र दैनिकमा प्रकाशित छ ।
